BAGUIO CITY- Ngimmato ti kaso ti child abuse iti Baguio City iti umuna a kwarter ti agdama a tawen.
Sigun kenni City Social Welfare and Development Office (CSWDO) Officer-In-Charge Liza Bulayongan, nailistada ti 34 a kaso ti panagabuso kadagiti ubbing.
Biktima iti daytoy dagiti dua pulo ket maysa a babbai bayat a sangapulo ket tallo dagiti lallaki a pakairamanan ti 18 a biktima ti panagmolestiya; 9 iti physical abuse; 6 iti psychological abuse ken maysa iti panagbaybay-a.
Maibasar iti datus idi napan a tawen, 95 a kaso ti child abuse ti nailista iti Baguio City nu sadino 72 ti babai ken 23 ti lalaki.
Kaadoan wenno 48 kadagitoy ket biktima ti sexual abuse, 34 ti physical abuse, 7 ti psychological abuse ken innem ti neglect wenno panagbaybay-a.
Amin dagiti biktima ket naipasidong iti nagduduma a shelters iti siudad ken agtultuloy ti koordinasyon ti CSWDO kadagiti nagduduma a barangay tapno mapabileg pay ti Barangay Councils for the Protection of Children (BCPC).
Mangnamnama oay daytoy a saanen a manayonan pay ti kaso ti Children in Conflict with the Law (CILC) iti Baguio City.
Kasaruno daytoy iti panakailista ti 34 a kaso ti CICL wenno dagiti menor de edad a naglabsing iti linteg nu sadinno kaadoan kadagiti aktibidad nga inaramid dagiti ubbing ket nagtakaw.
Iti datus ti opisina, 70 ti nailistada a kaso ti CICL wenno kaso dagiti menor de edad idi napan a tawen a pakairamanan ti 45 a kaso a saanen a naipila iti korte bayat a 25 ti naipila a nagresulta iti panakatiliw dagiti suspek.
Inayon ni Bulayungan a 23 nga ubbing ti sumangsango iti kaso a physical abuse; 15 iti panagtakaw; sag-walo iti sexual abuse ken iti Comprehensive Drugs Law; 6 iti tresspassing, sag-dua iti murder, homicide, Anti-child Abuse law, illegal gambling ken saggaysa iti RA 8369, RA 10627, RA 9995 ken RA 9262 wenno ti Violence Against women and Children Act.
