--Ads--
BAGUIO CITY – Maramrambakan ita ti kaunaan nga Ibaloi Festival ditoy siudad ti Baguio agingga inton Abril 22.
Sigun kenni Onjon ni Ivadoy president Franklin Cocoy, panggepda nga ital-o ti nabaknang a kultura ken kabaelan dagiti Ibaloi a maysa kadagiti orihinal a nagtaeng ditoy siudad ti Baguio.
Inlawlawagna a saanda a makikompetensya kadagiti dadduma a tribo ditoy siudad ngem kayatda laeng a maiyam-ammo ti kultura dagiti Ibaloi.
Maitampok met laeng iti agdama a festibidad dagiti nagduduma a produkto dagiti Ibaloi iti probinsia ti Benguet.
Maipalagip a ramrambakan ti Onjon ti Ivadoy ti Ibaloi’s Day tunggal bulan ti Pebrero.
