--Ads--
BGUIO CITY – Saan a nakalukat iti trapiko ti Kennon road partikular idiay Camp 2, Tuba, Benguet ita nga agsapa.
Daytoy ket gapu iti panaglukay ti pundasyon ti kalsada nga intunda ti panagngato ti lebel ti danum manipud iti Bued river ken ti panagtudtudona.
Gapu iti dayta, ad-adalen ken suksukimaten ti Barangay Emergency Response Team ken daduma pay a maseknan ti kasasaad ti kalsada para iti dagus a panakatarimaan daytoy.
Mapalpalagipan dagiti motorista a magna dagitoy kadagiti alternate routes kas iti Marcos Highway ken Naguilian road.
