BAGUIO CITY – Inaprobaran ti Sangguniang Bayan (SB) ti La Trinidad, Benguet ti kiddaw ti maysa a transport group a panakaipalubos ti panangibiaheda ti kanayunan a 50 nga yunit ti taxi iti nasao a munisipyo.
Sigun kenni Mayor Romeo Salda, adda ti maysa a transport cooperative a nagsurat kadakuada seknan iti 50 nga yunit ti taxi nga agbiahe iti La Trinidad ken iti dadduma a paset ti Cordillera.
Kinunana a maipoproseso ita sadiay LTFRB-Cordillera ti dokumento ti grupo kalpasan a natalantan ken inaprobaran ti SB ti La Trinidad ti kiddaw.
Innayonna nga iti kanito nga aprobaran ti LTFRB-Cordillera ti panagbiahe ti kanayonan a taxi units sadiay La Trinidad ket maiyendorso met daytoy iti LTFRB Central Office tapnu maamoan no mapatgan ti kiddaw wenno saan.
Kinuna pay ni Mayor Salda a pito laeng ti taxi units nga agbibiyahe sadiay La Trinidad isut gapuna nga inaprobaranna ti kiddaw para iti panakanayon dagiti nasao a taxi units.
