BAGUIO CITY – Maimuntaren ti nClosed-circuit television camera (CCTV) cameras ti impounding area ti Baguio City Veterinary & Agriculture Office.
Kasaruno daytoy dagiti naawatda a reklamo mainaig iti operasyon ti impounding area dagitoy.
Iti interview ti Bombo Radyo Baguio kenni dog advocate a ni Lovely Tuazon, imbinglayna a pinatgan ti lokal a konseho ti kiddaw dagitoy a makabilan iti CCTV ti nasao a disso tapno mawananawan dagiti aso a maim-impound iti opisina.
Immunan a nabbabalaw ti operasyon daytoy pakairamanan ti saan a pannakaipalubos ti panagala ti ladawan kadagiti aso, kinaawan ti CCTV a mang-monitor kadagiti aso ken reklamo iti pannakabaybay-an dagiti aso iti impounding area.
Nailawlawag met ti tarigagay ti Dog Animal Community nga agala iti ladawan dagiti amin nga aso tapnu napartak ti panaka-adaptar ken maliklikan dagitoy a mabaybay-an agingga a maipasidong iti Euthanasia.
Nupay kasta, kinuna nga adu pay dagiti apelada iti impounding area a saan nga napatgan iti naangay nga session ti lokal a konseho.
Karaman nga impeksana iti lokal a gobierno ti pannakaipasidong met dagiti impounding team iti panagsanay tapnu umno ti pannakatiliw dagiti aso.
Inyunay-unayna a panaglabsing iti linteg ti ar-aramiden ti impounding team a saan nga naannad ken makatao a pannakatiliw kadagiti aso iti siudad.
Inayonna a maawatanda ti mandato ti gobierno a mangtiliw kadagiti walang nga aso para iti kinatalged ti publiko kasta met dagiti aso ngem impeksana ti naan-anay nga konsiderasyon iti apela dagitoy.
Umap-apela met dagiti miembro ti Dog Animal Community ditoy Baguio City ti responsable a panagtaraken iti aso.
Kinunana a maysa rason ti umad-ado a bilang dagiti matiltiliw nga aso ditoy siudad ket ti kina-iresponsable dagiti pet-owners.
Ibalballakadna kadagiti padana a pet-owners ti responsilibilidad ken obligasyon dagitoy nga aywanan dagiti aso.
Imbinglayna pay a dumadanon iti lima ti inaldaw nga aso a matiltiliw kadagiti babbarangay iti siudad gapu iti saan nga umno a panagawyan dagiti pet-owners.
Malaksid iti daytoy, indiayana iti City Veterinary & Agriculture Office ti panakairehistro dagiti aso tunggal barangay tapno dagus a mapatawan dagiti iresponsable nga pet-owners.
Dinakamatna a napimpintas daytoy nu ti ar-aramiden ti CVAO a mangtiltiliw kadagiti aso tapnu mamulta dagiti pet-owners.
Sigun kenkuana adu dagiti mauurnong laeng dagiti aso iti impounding area ti CVAO gaputa saanen nga iclaim dagiti dadduma dagiti natiliw nga aso.
Inayonna nga kakaasi laeng dagiti aso a karaman kadagiti maipaspasidong iti euthanasia/ mercy killing gaputa awan ti mang-adoptar kadagitoy nangruna ta 100 laeng ti kabaelan nga iakomodar ti impounding area ti CVAO.
Gapu iti daytoy, impettengna a kasapulan pay ti napalawa nga awareness wenno panaka-ammo kadagiti pet-owners iti umno nga panagtaraken ti aso.
