Posible a gapu iti kinaadu iti turista ken nangato a gatad iti daga ti agtultuloy a rason iti nangato a presio iti gasolina iti siudad ti Baguio, sigun iti Department of Energy.
Manipod pay idi tawen 2016, ad-adda a nangina iti P10 agingga iti P15 ti gasolina iti Baguio City nu idilig iti kaaruba a lugar a kas idiay San Fernando, La Union.
Manipod idi Enero 27 agingga iti Pebrero 2, dumanon iti P63 agingga P75 iti tunggal litro ti gasolina iti Baguio bayat a P53 agingga P63 laeng idiay San Fernando.
Sigun iti Department of Energy, makaapektar iti gastos iti distribusion, nangato a demand, ken nangina a commercial land values iti siudad. Innayonna pay ti epekto ti panagkapsot iti piso kontra iti dolyar.
Iti agdama, adda iti sangapulo ket walo a retail station iti siudad a kaaduan ket agtagikua iti dadakkel a kompania iti lana.
Insingasing iti DOE ti pannakainayon iti ad-adu pay a distributor tapno mapababa ti presio.
Kabayatanna, maad-adala iti lokal a gobierno iti siudad iti panangibangon iti bukod a pagkabilan ken panangilako iti gasolina iti subsidized a presio tapno makatulong kadagiti turista.
