Saan a namnamaen ti lokal a gobyerno ti siudad a mangiruar ti Korte Suprema iti desisyon a mangipaay iti karbengan kadagiti tallo a barangay iti siudad ti Baguio a mangisayangkat iti bingo games a saan a kasapulan nga agala iti permit manipud iti Philippine Amusement and Gaming Corporation wenno PAGCOR wenno anya a local ken national office.
Iti panakiuman ti Bombo Radyo kenni Councilor Rocky Aliping, ABC President, kinunana a nabayag nga impetisyon dagiti tallo a barangay ti nasao a banag idi pay tawen 2006 wenno 2008 kalpasan a paal-alaen ti Philippine Amusement and Gaming Corporation dagitoy iti permit.
Nupay kasta, babaen iti panagbotos a naisayangkat iti korte suprema, sangapulo ket maysa ti pabor iti panakaisayangkat ti bingo games ken uppat ti saan.
Maipalagip a dagiti nasao a barangay ket pakairamanan ti Trancoville, Military Cut-Off ken Outlook Drive.
Ti panakapalubos iti bingo games kadagiti nasao a barangay ket wagas para iti fundraising dagitoy.
Sigun kenni Aliping, agkurkurang ti pondo dagiti barangay idi napalabas rason a naipatungpal dagiti fundraising.
Nasken met a dagiti mapastrekan kadagiti bingo games ket agturong iti general fund dagiti barangay ken daytoy ket maisayangkat kadagiti special occasions kas iti piesta.
Kabayatanna, kinuna ni Aliping a mabaling nga isubli ti Bingo sa barangay kalpasan ti nasao a desisyon ti Korte Suprem.
Maipakpakaamo nga iti Philippine Amusement and Gaming Corporation Charter a naamyendaran iti Republic Act No. 9487, dagiti ay-ayam nga imanmanehar dagiti local government units ket saan a saklaw ti pagalagadan iti PAGCOR.
