BAGUIO CITY- Imbinsa ti City Health Services a nagtalinaed wenno awan ti nagbaliwan ti kaso ti Human immunodeficiency virus (HIV) iti pagilian pakairamanan ti Baguio City idi 2020.
Nupay kasta kinuna ni Asst. City Health Officer Dr. Celia Flor Brillantes nga in-inot a ngimmato ti kaso ti HIV iti siudad nangrugi idi 2021 wenno kabayatan ti lockdowns.
Agtaltalinaed a kaadoan kadagiti mailislistaan ti kaso dagiti lallaki partikular dagiti sexually active nga bisexuals wenno indibidwal a makinanaig iti babai ken lallaki.
Inyunay-unayna met a saan a maagasan ti HIV ngem mabalin a mataming isunga kasapulan ti nasapsapa a panag-pakonsulta wenno panakaipasidong iti testing.
![](https://img.bomboradyo.com/baguio/2022/05/hiv-aids.jpg)
Imbinglayna dagiti nagduduma nga HIV testing activities a maipatpatungpal iti siudad sipod Pebrero ti agdama a tawen a libre a pagkonsultahan ti publiko nu makitada dagiti naimuntar nga testing ken HIV awareness booths.
Iti nagsaruno met nga testing nga impatungpalda iti night market, 5 ti naduktalan nga reactive wenno positibo iti HIV a pakairamanan ti 2 nga turista.
Inayonna nga iti kanito nga makiyuman dagiti positibo ti HIV kadagitoy ket dagusda met maipaayan ti impormasyon ken proseso tapnu a kasapulan iti treatment dagitoy.
Agtultuloy pay dagiti programa ti ahensia ken nagduduma pay nga organisasyon a mangipatpatungpal met ti HIV testing ken awareness campaign iti lokalidad.