![](https://img.bomboradyo.com/baguio/2024/07/BAGYONG-CARINA.jpg)
BAGUIO CITY – Nasuspendir ti amin a lebel ti klase iti public ken private educational institutions kasta metten ti amin a trabaho iti government offices/agencies iti siudad ti Baguio ken municipyo ti La Trinidad, Benguet ita nga aldaw, Hulyo 25.
Daytoy ket gapu iti agtultuloy a panagbayakabak ti tudo nga intunda ni bagyo a Carina ken Habagat.
Kabayatanna, nakadepende iti amin a local agencies ti National Government Offices, private business establishments ken offices ti panagsuspendirda iti panagtrabaho dagiti empleyado dagitoy ita nga aldaw.
Naiparikep metlaeng ti amin a parke iti siudad para iti kinatalged iti publiko.
Mabalballaagan dagiti motorista nga agannad dagitoy bayat ti panagdalyasatda ken ikonsiderada ti kinatalged dagiti commuters.