--Ads--
![](https://img.bomboradyo.com/baguio/2019/08/handcuffed-hands_bw_crop380w.jpg)
BAGUIO CITY – Nakemmeg ti maysa a lalaki iti buy-bust operation nga insayangkat dagiti otoridad sadiay Windyhill, Poblacion, La Trinidad, Benguet.
Nabigbig daytoy a ni Arnel Saltin Laurean, 44-anyos, naasawaan, tubo ti Bactad Proper, Urdaneta City, Pangasinan ken residente ti Tomay La Trinidad, Benguet.
Sigun iti pulisya, nakagatang ti operatiba iti maysa a pekete ti maatap a shabu manipud iti suspek.
Nakumpiskar metlaeng iti daytoy ti dua pay a pakete ti maatap a shabu, ti cellphone nga inaramatna iti transaksion ken ti buy-bust money.
Sumangsango metten ni Laurean iti kaso a panaglabsing iti RA 9165 wenno iti Comprehensive Dangerous Drugs Act of 2002.