BAGUIO CITY- Agtungpal latta ti Commission on Election (COMELEC) Cordillera kadagiti agbalin a pammilin seknan iti pannakaipatungpal ti Barangay ken SK elections ita a tawen.
Kasaruno daytoy iti mapangpanggep a pannakaitantan iti maikadwa a gundaway ti naituding nga eleksyon para iti Barangay inton Disyembre 5.
Iti interview ti Bombo Radyo Baguio ken COMELEC Cordillera Depusty Speaker Atty. John Paul Martin, surutenda nu anya iti nakalanad iti linteg ken nakaprograma seknan iti pannakaipatungpal ti election.
Kinunana a nu mangbukel dagiti baro nga opisyal iti 19 congress iti linteg seknan iti pannakaitantan daytoy ket isu ti tungpalenda.
Nupay kasta, kinunana a napinpintas nu nasapsapa a maipasa a dagus ti linteg nu ada pagbaliwan tapnu saan nga aggastos ti COMELEC iti panagsaganada iti eleksyon.
Dinakamatna nga agrugi inton June 30 ti trabaho ti 19th Congress ken mangnamnama daytoy a maipangruna a matalantan ti nasao a banag.
Maipalagip a naitantan agingga December 5, 2022 ti Barangay ken SK elections gapu iti agdama a pandemya.
Kagiddan iti dayta, imbinsa ni Atty. Martin nga adda iti saan a nasuporta iti daytoy gapu ta asideg unay iti May 9 local ken national elections ngem adu dagiti mamati a senador a kabaelan latta nga ipatungpal ti COMELEC ti nasao nga eleksyon.
Iti baet ti dayta, impetteng ni Atty. Martin a surutenda latta dagiti linteg seknan iti implementasyon ti election.
