Inkeddeng ti lokal a korte ti pagilian a ni Alice Guo ket maysa a chinese citizen kasta met a nagbalin a “void” wenno naikkat ti panagbalinna kas mayor iti rekord gapu ta saan daytoy a kwalipikado iti nasao a posisyon.
Pinaboran ti korte ti quo warranto petition nga impila ti Office of the Solicitor General,ti nasao a petisyon ket maipapan iti panakaikkat ti maysa a public official gapu ta saan daytoy nga eligible nga agakem iti posisyon.
Maipalagip a ni Guo ket nagtaray kas mayor sadiay Bamban, Tarlac iditawen 2022 ken daytoy ket nangabak.
Ngem, maibasar iti Philippine constitution, dagiti laeng Pilipino ti mabalin nga agtaray kas politiko.