Nakasaganan dagiti amin a kasapulan para iti manamnama a panakaipatungpal ti maikapito a fishing tournament idiay Burnham Lake, Baguio City inton Hunyo 12, panakaobserbar ti Independence Day.
Iti panakiuman ti Bombo Radyo kenni Rafael Serrano, Fishing Tournament Coordinator, nakasaganan dagitoy para iti nasao a torneo bayat a manarimaan pay laeng ti registration.
Sigun kenni Serrano, manamnama a makipaset kadagiti residente dagiti indibidual a nagtaud iti sabali pay a lugar kas iti Bulacan, Pampanga, Abra ken daduma pay.
Kinunana nga adu dagiti interesado iti nasao a torneo gapu ta kayatda a pasyaren ti nakatabon a Burnham lake a mabalin a pagkalapan iti sumagmamano a lames kas iti tilapia, catfish, shrimp ken daduma pay.
Kabayatanna, maal-allukoy ti publiko a makipaset iti nasao a torneo gapu ta ti registration ket agingga iti aldaw a pakaipatungpalan ti torneo.//Bombo Mera Pacpacan
