Impakaammo ni Palace Press Officer Undersecretary Atty. Claire Castro nga awan ti impormasyon ti malacañang iti report seknan iti mapapati a panagkiddaw ni sigud a President Rodrigo Duterte iti asylum sadiay China.
Sigun kenkuana, awan ti naaw-awat dagitoy nga impormasyon ken saan a daytoy ti impormasyon a nakadanun kadakuada.
Daytoy ket kasaruno ti panagruar ti damag seknan iti daytoy.
Maibasar metlaeng iti source, nangrugi idi enero a nagsagana dagiti Philippine authorities para iti pannakaarestar ni Duterte kas paset ti Oplan Tugis nga idadauluan ti Philippine National Police – Criminal Investigation and Detection Group.
Kinuna ni Castro a ti naawat laeng dagitoy sakbay a naarestar ni Duterte ket bayat ti panagawidna iti Pilipinas manipud Hongkong.
