Nabigbig kas kabaknangan a senator ni Mark Villar no sadino addaan daytoy iti P1.26 billion a net worth.
Addaan daytoy iti personal properties nga agbalor iti P912.19 million ken real properties, pakairamanan dagiti balay, lote, ken condominiums daytoy nga agbalor iti P349.14 million.
Kabayatanna, dumanon met iti P362.07 million ti net worth ti kabsatna a ni Camille Villar kas maibasar idi June 30, 2025.
Addaan daytoy iti personal properties nga agbalor iti P275.05 million ken real properties nga agbalor iti P87.01 million.
Naammuan daytoy kasaruno ti panangiruarda kaduada dagiti dadduma pay a 20 a senators iti kauddian nga Statement of Assets, Liabilities, and Net Worth (SALN) iti publiko.
Karaman kadagiti kaudian a nangipablaak da Senators Bam Aquino, Pia Cayetano, JV Ejercito, Francis “Chiz” Escudero, Jinggoy Estrada, Panfilo “Ping” Lacson, Lito Lapid, Loren Legarda, Erwin Tulfo, Joel Villanueva, ken Juan Miguel “Migz” Zubiri
Sarunuen daytoy da Senators Bong Go ken Rodante Marcoleta manipud iti minority bloc pakairamanan dagiti immuna a da Senate President Vicente “Tito” Sotto III, ken senators Risa Hontiveros, Francis “Kiko” Pangilinan, Robin Padilla, Sherwin Gatchalian, ken Raffy Tulfo.//
