Nangipaay ni Mayor Benjamin Magalong iti mensahe seknan iti damag maipapan iti naaktuan a dua a lalaki a mangipatpatungpal iti sexual activity sadiay Burnham Park itay napalabas.
Sigun kenni Magalong, sigud nga adda iti mapaspasamak a sexual nga aktibidad iti nasao a parke rason rason nga agtultuloy ti monitoring.
Simmardeng met dagiti nasao nga aktibidad idi napalabas nupay kasta ket mapaspasamak manen.
Gapu iti dayta, kinuna ni Magaling a mas mapainget ti panagbantayda iti parke babaen iti tulong ti Baguio City Police Office ken iti City Environment and Parks Management Office.
Maipalagip nga itay napabiit ket nakemmeg dagiti dua a suspek kalpasan a naaktuan dagitoy ti maysa a security guard sadiay Burnham Park a mangipatpatungpal iti sexual activity itay laeng nabiit.
Ti maysa a suspek ket maysa a lalaki, addaan iti asawa, 46 years old, tubo sadiay Mt. Province ken residente sadiay Kennon Road, Baguio City.
Ti kadua daytoy ket maysa metlaeng a lalaki, awanan iti asawa, 27 years old, tubo sadiay Nueva Ecija, ken residente sadiay Legarda Road, Baguio City.
Maibasar iti report ti pulisya, manarimaan ti panagronda ti security guard sadiay Biking Lane, Inner Lake Drive, Burnham Park, Baguio City idi nakitana ti saan a rumbeng nga ar-aramiden dagiti dua a lalaki a mainaig iti grave scandal.
Temporaryo a nawaya-wayaan met dagiti dua a lalaki kalpasan a nagbayad dagitoy iti sag -P3,000 pesos a piyansa.
