Ammo yo kadi mga kabombo nga adda ti maysa a distrito a mangidiaydiaya iti kuarta para kadagiti single korean ken foreign individuals?
Idiay Busan, South Korea, mangidiaydiaya-da iti kuarta para kadagiti single korean ken foreign individuals a mangrugi iti romantic relationship tapno makiasawa ken maaddaan iti annak gapu paylaeng iti kinakurang ti populasyon sadiay.
Sigun iti report, mangipatpatungpal ti Saha iti mass blind dating event para kadagiti nadakamat nga indibidual no sadino maipatpatungpal daytoy tunggal bulan ti Oktubre.
Nupay kasta , kasapulan nga agtawen ti maysa nga indibidual iti 23 agingga 43-anyos nga agtatrabaho ken agnanaed iti uneg ti nasao a lugar.
No agkadua dagiti couple, maipaayan dagiti couple iti 1 million won wenno P42,000 ngem no mangipatungpal dagitoy iti “sang-gyeon-rye,” wenno makipagkita kadagiti miembro ti pamilya ket maipaayan iti 2 million won wenno P84,000.
Malaksid iti dayta, maipaayan dagiti couple kalpasan ti kallaysa-da iti 20 million won wenno P842,000.
Mangipaay metlaeng ti Saha iti kanayunan a suporta para iti housing nga aggtad iti P30 million won wenni P1.2 million wenno binulan nga abang a dumanon iti 800,000 won wenno P33,000 iti uneg ti lima a tawen.
Gapu iti daytoy, sumagmamano a netizen ti naengganyo iti nasao a banag.
