BALITANG ESPESYAL- Ammo yo kadi ka-Bombo a mangidiaydiaya ti maysa a Japanese Company iti libre nga alcoholic drinks ken hangover leave kadagiti agbalin nga empleyadoda tapno laeng adda ti ag-apply iti kompanya dagitoy?
Maibasar iti report, manmanu laeng ti agap-apply iti nasao a Japanese tech company gapu iti dayta, nakapanunot ti agtagikua iti naidumduma tapno maawis dagiti interesado nga agaply iti daytoy.
Daytoy ket ti panangidiaya iti libre nga alcoholic drinks ken hangover leave.
Sigun iti agtagikua iti nasao a kompanya, competetive dagiti kapada daytoy a kompanya rason a napanunotna metlaeng daytoy.
Ngem ti nakaskasdaaw mangidiaydiaya dagitoy iti arak bayat ti working hours.
Iti baet dayta, inlawlawag ti agtagikua a napanunotna daytoy a wagas agsipud ta saanna a kabaelan a bayadan dagiti empleyado daytoy iti dakdakkel a gatad ti kuarta.
