--Ads--
BAGUIO CITY – Saan a pabor ni Councilor Elmer Datuin, dadaulo ti Committee on Social Services iti panakaisakad ti divorce bill iti pagilian a Pilipinas.
Iti panakiuman ti Bombo Radyo kenkuana, napateg ti family relations iti panangpadur-as iti maysa a siudad wenno barangay.
Nu sadino sigun kenkuana ti panakawaswas ti maysa a pamilya ket adu ti epekto-na kas iti panakaaramid ti krimen.
Impettengna a posible nga agbaliw paylaeng ti moral values dagiti Pilipino seknan iti family relations.
Inlawlawagna nga iti panakaabrobar ti maisaksakad a linteg iti agdama ket nadardaras a mapukaw ti respeto iti tunggal maysa gapu ta nalaka a suminan iti partner nu sadino kakaasi ti mabati nga ubbing ken ti asawa.//Bombo Marinel Rodrigo
