Naispal ti maysa a lalaki nga agtawen iti 40, laborer ken residente iti siudad ti Baguio, manipud iti pananggandatna a kettelen ti bukodna a biag.
Maibasar iti report ti pulisia, napasamak ti insidente iti maysa a barangay iti siudad iti oras ti alas-4 ti malem idi Marso 14, 2026.
Ti insidente ket naimatangan ti kabagian ti biktima.
Sigun iti uncle ti biktima, a nakasaksi iti insidente, ken iti imbestigasion iti pulisia, nagturong daytoy iti terrace tapno agsigarilio. Nupay kasta, nakita ti kaanakanna a limmagto iti terrace nga adda ti tali iti tengngedna.
Dagos nga inarayat ken inikkat ti uncle-na ti tali sakbay nga immawag iti EMS.
Idi nakadanon dagiti nagresponde nga opisial iti nakapasamakan ti insidente, nakitada ti biktima a narevive babaen iti EMS personnel.
Iti kaudian a report dagiti otoridad, manarimaan nga agpapaimbag ti biktima iti ospital.
Kabayatanna, impakaamo ti maseknan nga opisina kadagiti makapaspasar iti depression, anxiety ken dadduma pay a mabalin nga awagan ti hotline ti Baguio City Mental Health Unit iti numeroda a 09190696361; BGHMC Mental Health Crisis Hotline a 09177012647; CSWDO Crisis Hotline for pshychosocial support iti numero a 09672084777 wenno or 09517505039. |via Bombo Noveh Organo
