Buguias, Benguet- Mapagyamyamanan ti maysa a pamilia idiay Pilando Road, Halsema Highway, Buguias, Benguet.
Kasaruno ti panangitulokna a mapirdi wenno ma-backhoe ti mulana a nateng iti tapaw ti maar-aramid a dalan iti nasao a lugar tapno laeng makaaramid ti alternatibo a pagnaan ti publiko.
Iti ladawan nga impablaak ni Aldrine Bandao, maimatangan a napirdi dagiti mula ni Dolpo Vicente Caticat, ti agtagikua ti daga.
Karaman kadagiti nateng a napirdi ket ti repolyo ken patatas a saan pay mabalin a maapit.
Sigun iti nangipablaak ti ladawan, intulokna a mapirdi ti naimula a repolyo ken magaburan dagiti patatas tapno napartak ti pannakaaramid ti dalan.
Iti panagdamag dagiti indibidual sadiay, positibo laeng ti sungbat ni Dolpo a magaraw ti nakaimulaan ti natengna nu sadinno, kinunana a laketdi pagsayaatan daytoy ti umili.
“Uray napobre tayo nu kasapulan a maisakripisio ti kakaisuna para laeng ti pagsayaatan ti kaadduan, aramiden tayo.”
DOLPO VICENTE CATICAT
Idi laeng kalman, nagturong Dolpo Vicente Caticat iti nasao a lugar ken maysa daytoy kadagiti nagbantay iti panagtrabaho dagiti indibidual sadiay.
Maipanpannakel ka ka-Bombo!
