BAGUIO CITY – Natiliw ti maysa kadagiti Regional Top Ten Illegal Drug Personality ti Cordillera iti buy-bust operation a naipatungpal sadiay Santo Tomas Proper, Baguio City idi kalman.
Nabigbig daytoy a ni John Patrick Lumagui Trinidad, 28-anyos, gasoline boy ken residente ti Teacher’s Village, Santo Tomas Proper, Baguio City.
Nakumpiskar kenkuana ti maysa a pakete ti maatap a shabu nga agdagsen ti lima a gramos ken ti cellphone ken motorsiklo nga inaramatna a nakitransaksion iti operatiba.
Narekober metlaeng iti ikotna ti naaramat a buy-bust money.
Naamuan pay nga aktibo a makipaspaset ti suspek a maysa nga Street Level Individual iti panagraira ti iligal a droga partikular ti shabu iti Baguio City, pakairamanan ti Benguet ken kadagiti kabangibang a probinsia.
Sumangsangon ni Trinidad iti kaso a panaglabsing iti RA 9165 wenno ti Comprehensive Dangerous Drugs Act of 2002.
