Al-allukoyen ni Baguio City Mayor Benjamin B. Magalong dagiti amin a barangay Disaster Risk Reduction Management committees, dagiti city government offices, pampubliko ken pampribado a pagadalan, dagiti government owned and/or controlled corporations, civil society organizations, universities and colleges, ken dagiti private companies a makipaset iti third quarter National Simultaneous Earthquake Drill (NSED) a maipatungpal inton bigat, Setyembre baente sais iti agdama a tawen.
Sigun kenni Magalong, nasken a makipaset dagiti nagduduma nga indibidual tapno agbalin dagitoy a nakasagana ken pro-active nu kaspangarigan mapasamak ti gingined.
Maipalagip a ti maikadua nga National Simultaneous Earthquake Drill (NSED) ket naipatungpal idi bulan ti Hunyo ken ditoy a naipatungpal ti drills maipapan iti gauge employee preparedness ken evacuation knowledge.
Ti National Simultaneous Earthquake Drill ket maisaysayangakt tunggal kwarter ken daytoy ket idadauloan ti Office of Civil Defense tapno masigurado a tunggal Pilipino ket disaster-ready.
