BAGUIO CITY – Agtultuloy ti advisory nga ipapaay ti Baguio Water District kadagiti nagduduma nga areas iti siudad para iti distribution ti suplay ti danum.
Kasaruno daytoy ti marikrikna nga epekto ti El Niño phenomenon nu sadino kangrunaan a makaap-apektar iti suplay ti danum iti siudad.
Iti interview ti Bombo Radyo kenni Engr. Salvador Royeca, General Manager ti Baguio Water District, addan dagiti area a nababa ti water sourcesna iti kaunaan a gundaway partikular iti Buyo, Honeymoon ken Holyghost.
Nupay kasta, ar-aramidenda ti daduma a wagas tapno ma-augment ti water sources babaen iti tulong ti urgent projects nga inaramid dagitoy.
Inlawlawag ni Royeca a dagiti areas nga awan ti sourcesna kas iti Asin, Quirino Hill ket makapaspasar ti seasonal decline.
Iti sabali a bangir, kadagiti areas a supsuplayan ti Kilometer 8 ket rotational ti distribution time ti danum gapu ta bimmaba iti 50% ti sourcesda.
Inaklona met a saanen a kabaelan ti opisina a suroten ti water schedule gapu ta agtultuloy ti panagbaba ti sources kadagiti nasao nga area a mangituntunda iti panakaitantan iti panakapunno dagiti reservoir iti siudad.
Umap-apela ni Royeca iti publiko nga aganus ken praktisen ti panagtipid ti danum, ag-avail iti water delivery dagitoy tapno ad-adda a makagun-od iti suplay ti danum.//Bombo Marinel Rodrigo
