BAGUIO CITY – Sumangsangon iti kaso a panaglabsing iti RA 9165 wenno Coprehensive Dangerous Drugs Act of 2002 ti maika-10 a drug personality iti entero a Cordillera ken ti kadwana nga street level individual (SLI) kalpasan a natiliw dagitoy iti buy-bust operation ditoy Baguio City, malem ti May 13.
Nabigbig ti maika-10 a drug personality iti Cordillera a ni Johnroland Lopez, 23 bayat a nabigbig ti SLI a kadwana a ni Haijen Milanes, 19.
Nakumpiskar kadagitoy ti 12 a pakete ti maatap a shabu nga agdagsen ti sangapulo a gramo ken maysa a balkot ti marijuana leaves nga agdagsen ti maysa a gramo.
Nakumpiskar pay kadagitoy dagiti cellphonses ken motosiklo nga inaramatda iti panakitransaksionda iti operatiba.
Narekober met iti ikotda ti naaramat a buy-bust money.
