BAGUIO CITY – Nainget nga ipatpatungpal dagiti hotel ken restaurant iti Baguio City ti No Vaccine, No Entry Policy.
Sigun kenni Andrew Pinero, spokesperson ti Hotel and Restaurant Associations in Baguio (HRAB), naipatungpal ti nasao a polisiya idi pay Enero 1 kadagiti sumagmamano nga hotels ditoy siudad.
Kinunana a dagiti laeng addaan ti vaccination card ti mapastrek iti pasilidad dagitoy uray pay mangiparangda ti negatibo a resulta ti RT PCR test.
![](https://img.bomboradyo.com/baguio/2021/07/hotels-inns-baguio-17.jpg)
Inlawlawagna nga mangipaayda ti konsiderasion kadagiti indibidual a nakaawat laeng ti maysa a dose ti bakuna la ketdi mapaneknekanda daytoy kas ti panangipakitada iti iskidyul ti second dose dagitoy.
Kabayatanna, maipalagip nga immunan nga inlawlawag ti lokal a gobierno ti Baguio City nga urayenda pay ti guidelines wenno pammilin ti National Inter-Agency Task Force seknan iti implementasyon ti No Vaccine, No Entry kadagiti establishimento ken ti No Vaccine, No Ride Policy iti parapubliko a transportasyon.