Impasigurado ni Presidential Peace Adviser Secretary Carlito Galvez Jr. a normal ken natalna ti sitwasyon ti Pilipinas iti baet ti awag kadagiti military nga isardengda ti suporta dagitoy kenni President Ferdinand “Bongbong” Marcos Jr.
Impettengna daytoy seknan iti possible nga implications ti nasao nga awag iti linak ken kappia ti pagilian.
Immannamong metlaeng daytoy iti immunan nga statements da Secretary Gilberto Teodoro Jr. ken Armed Forces of the Philippines (AFP) chief Gen. Romeo Brawner Jr. nga agtalinaed ti Armed Forces of the Philippines a napudno iti Presidente.
Kasaruno daytoy ti impakaammo ni Brawner a sumagmamano kadagiti nagretiro nga opisyal ti Armed Forces of the Philippines ti mang-aw-awag kadagiti military nga isanodda ti suportada kenni President Marcos Jr.
Nupay kasta, saan nga immanamong ditoy ni Brawner.
