Indeklara ti Department of Education (DepEd) ti October 27 agingga 30, 2025 kas mid-school year wellness break para kadagiti mannusuro ken dagiti estudyante.
Sigun kenni Education Secretary Sonny Angara panggep ti nasao a wellness break a maipaayan iti oras nga aginana dagiti manursuro kasta metten tapno adda ti oras dagitoy kadagiti pamilya-da.
Kagiddan dayta, impetteng ti Department of Education a mangipakita metlaeng daytoy iti commitment iti panangsalaknib iti salun-at ken welfare dagiti manursuro kasta metten dagiti estudyante.
Innayonda pay a maireschedule dagiti In-Service Training (INSET) dagiti manursuro bayat ti wellness break tapno makainana dagitoy.
Kagiddan dayta, agresume ti klase inton Nov. 3, 2025 kalpasan ti All Saints’ Day ken All Souls’ Day.