BAGUIO CITY – Saan pay a naglukat ti agarup 800 nga accommodation establishments iti siudad ti Baguio.
Sigun kenni City Tourism Officer Engr. Alec Mapalo, adu dagiti hotels a nagsardeng ti operasyonda gapu iti pandemya.
Dinakamatna a sakbay ti pandemya ket agarup 1,200 nga accommodation establishments ti iwanwanawan dagitoy.
Nupay kasta, dumanon laengen iti 400 nga accommodation establishments ti addaan iti operasyon.
Sigun kenkuana, posible a nagsardengen wenno saan pay a nakapagsubli ti operasyon ti agarup 800 kadagitoy nangruna dagiti babassit nga establishimento.
Maipalagip a dagiti laeng accommodation establishments iti Baguio nga addaan iti safety seal ken nakarehistro iti Baguio VISITA website ti mairekrekomendar a pagdagusan dagiti turista.
