Posible manen a maisubli ti operasyon ti Philippine Airlines iti siudad ti Baguio ita bulan ti Oktubre kalpasan a nasuspindir daytoy.
Nupay kasta, awan paylaeng ti pammilin ti airlines seknan iti daytoy.
Sigun kenni Baguio City Mayor Benjamin Magalong, saan daytoy a sigurado nu maituloy ti operasyon ti Philippine Airlines iti siudad iti paumay a bulan ti nobyembre.
Kinunana nga impakitada ti financial statement iti napalabas nga operasyonda iti Baguio-Cebu-Baguio flight ket nakitana a dakkel ti lugi dagitoy
Mainaig iti daytoy, awan pay ti sabali nga airlines a nangidiaya iti siudad ti Baguio, ngem kinuna ni Mayor Magalong a makikokoordinarda iti sabali pay nga airlines.
Maipalagip a naipasardeng ti operasyon ti Baguio-Cebu-Baguio flights ti Philippine Airlines iti Loakan Airport, Baguio city idi laeng Hulyo iti agdama a tawen gapu iti nababa a passenger traffic.
