Nagdispensar ti maysa nga opisial ti Bureau of Immigration ita nga aldaw gapu iti selfie dagiti personnel ti BI a kaduana kenni dismissed Bamban, Tarlac mayor Alice Guo idiay Indonesia.
Sigun kenni BI Fugitive Search Unit chief Rendel Ryan Sy, saanda a panggep a maiwaras ti lawadan iti publiko, ken naklaat metlaeng daytoy gaputa kellaat a “viral” ti ladawan dagitoy.
Patien ti nasao nga opisial a nabang-aran laeng dagiti Immigration personnel ta nasarakanda ni Guo isut rason nga umis-isem da.
Maipalagip a rimuar ti ladawan idi Miyerkules kalpasan a nakemmeg ni Guo babaen dagiti otoridad idiay Indonesia iti maysa a townhouse sadiay Tangerang City ken inyawatna kadagiti otoridad ti Pilipinas.
Itay laeng kallabes, binabalaw ni Senador Risa Hontiveros ti ladawan a nagwaras iti social media nu sadinno, kinunana a saan a rumbeng itrato kas maysa “celebrity” wenno nalatak a tao, bayat nga inawagan met ni Senador Joel Villanueva ti nasao nga addang dagiti ahente ti gobierno nga “unprofessional”.