BAGUIO CITY – Nasuspendir iti pwesto ti opisyal ti Land Transportation Office (LTO)-Baguio kalpasan a nagmaneho a nakainom idi Hunyo 10, 2025.
Ti suspension ket epektibo ita nga aldaw kalpasan a nangipaulog ti Central Office ti Department of Transportation iti show cause order kontra iti 64-anyos nga opisyal ti LTO-Baguio.
Iti interview ti Bombo Radyo, kinuna ni PBGen. Glen Dumlao, Regional Director ti Department of Transportation (DOTr)-Cordillera a ti nasuspendir nga opisyal ket naidesignar iti siudad ti Baguio itay nabiit ken naituding nga agretiro inton umay a tawen.
Dinakamat ni Dumlao a maysa daytoy a career officer ken iggemna ti posisyon kas Senior Transportation Regulation Officer.
Iti baet daytoy, impetteng ni Dumlao a saanda nga i-tolerate ti nagbalin nga aksyon ti nasao nga opisyal.
Iti agdama ket adda metten ti dinukutanda nga agserbi pailaeng kas Officer-In-Charge ti nasao nga opisina.
