BAGUIO CITY -Ipalpalagip ti lokal a konseho ti Baguio City iti publiko ti ordinansa seknan iti pannakaipawil ti panagparti ti ayop ditoy syudad.
![](https://img.bomboradyo.com/baguio/2022/05/slaughtering-animals.jpg)
Maibasar iti ordinansa, maysa a panaglabsing iti panagparti kadagiti four-footed animal tapnu agserbi kas taraon wenno panglako kadagiti anyaman nga stablishemento malaksid laeng iti slaugther house
Nupay kasta, nailawlawag ti exemption iti nasao nga ordinansa nu sadino, maipalubos iti panagparti iti ruwar ti slaugther house ngem nasken a makaala dagiti butchers iti rekomendasyon manipod iti City Veterinarian ken opisina ti Mayor
Malaksid iti dayta, limitado kadagiti ayop patikular kadagiti baboy, sheep, kalding ken dadduma pay a saan a bumaba iti 15 kilos ti mabalin a maparti
Nailawlawag pay a dagiti maparti ket para laeng iti personal use ken saan a panglako
Mainaig iti dayta, kadagiti mapalubusan nga agparti ket agbayad iti kaskenan a fees partikular iti P200 tunggal maysa nga ulo ti nuang ken baka; P100 tunggal ulo ti baboy ken kalding a kas maibasar iti tax ordinance ti syudad.