Pinarut ken inuram dagiti otoridad ti P1 Million a gatad ti marijauna plants idiay Sitio Ine-eng, Tacadang Kibungan Benguet idi December 23, 2024.
Nasarakan dagiti fully grown marijuan a plants iti 1,000 meter square ti kalawana a plantasyon ti nasao a mula.
Mapattapatta a dumanon iti 5,000 a pidaso ti fully grown marijuan plants ti pinarut ken inuram dagiti otoridad.
Balligi ti operasion babaen iti nagtipon pwersa ti Kibungan Municipal Police Station, Provincial Drug Enforcement Unit (PDEU), Benguet Police Provincial Office, Regional Intelligence Division, Police Regional Office Cordillera Administrative Region (PRO-CAR) ken Philippine Drug Enforcement Agency–Cordillera Administrative Region (PDEA-CAR).
Kabayatanna, agtultuloy latta nga awawagan dagiti otoridad iti publiko nga isardeng ti panagmula, transportasion, ken panagusar iti illegal a droga, nangruna ti marijuana, gapu ta nainget a maiparit daytoy iti babaen ti Republic Act 9165 ken addaan iti nainget a pannusa.
