Sumangsango iti kaso a panaglabsing iti Republic Act 9165 wenno Comprehensive Dangerous Drugs Act of 2002 ti 27-anyos a lalaki kalpasan a nakemmeg daytoy iti naipatungpal a buy bust operation sadiay Brgy. Agbannawag, Tabuk City, Kalinga idi kalman.
Nakumpiskar iti suspek ti sangapulo ket siyam a dried marijuana brick nga addaan iti timbang nga agarup 19 kilos ken daytoy ket aggatad iti agarup P2.2 million.
Balligi ti nasao nga operasyon babaen ti panangidaulo ti PDEA Nueva Vizcaya Provincial Office kaduada ti PDEA Cordillera -Kalinga Provincial Office no sadino maysa kadagitoy ti nagserbi kas undercover agent.