--Ads--
Parikut ita ti maysa a residente ti Barangay Outlook Drive, Baguio City ti road widening gapu ta karaman ti pagtaengganna iti road right of way.
Iti interview ti Bombo Radyo kenni Aman Maliones, karaman ti pagtaenganda kadagiti mademolish, sigun daytoy iti Department of Public Works and Highways gapu iti trapiko.
Inyunay-inayna nga awan ti napaspasaranda a trapiko iti compound dagitoy iti kinabayagda nga agnanaed iti nasao a barangay.
Nupay kasta, inaklon ni Maliones a saan pay a nainagan kadakuada ti lote, iti baet ti namin adu a daras a pinadasda nga ipatitulo daytoy.
Agap-apela met daytoy ti tulong seknan iti nasao a pakaseknan dagitoy.//Bombo Marielle Apat
