Agtultuloy latta ti panagbantay ti Philippine Coast Guard (PCG) kadagiti sea ports ken terminals kasaruno ti christmas season iti pagilian.
Gapu iti dayta, ad-adda a paingeten pay dagitoy ti panagbantay mangrugi inton disyembre trese agginga inton enero sais inton sumaruno a tawen gapu ta manamnama manen ti panagadu dagiti agawid ken agbakasyon bayat ti paskua ken baro a tawen.
Imbilin metlaeng ni Commandant Admiral Ronnie Gil Gavan kadagiti Coast Guard districts, stations, ken sub-stations tapno paingeten dagitoy ti seguridad ken maipatungpal iti safety measures kadagiti sangladan tapno maliklikan ti aniaman nga insidente.
Malaksid iti dayta, maipatungpal metlaeng ti nainget nga inspeksyon kadagiti paseheros, pakairamanan dagiti luggages, terminals ken dadduma pay para iti seguridad ti tumunggal maysa.
Maideploy metlaeng dagiti medical teams tapno mangasistar kadagiti travelers iti kanito nga adda ti emerhensia.
Nakikoordinar metlaeng dagitoyen kadagiti Philippine Ports Authority (PPA) ken Maritime Industry Authority (MARINA) para iti seguridad ken security inspections kadagiti barko.
Kabayatanna, mapalpalagipan met dagiti pasaheros nga agbalin a naridam ken alerto iti kanito nga agbyahe dagitoy.
