BAGUIO CITY – Siento porsiento a supsuportaran ti Department of Health (DOH)-Cordillera ti panaglukat manen ti night market ditoy siudad ti Baguio a mangrugi inton December 1.
Inyunay-unay daytoy ni DOH-Cordillera Regional Director Dr. Ruby Constantino kagiddan ti panangkunana a nasken laeng a masurot dagiti paglintegan kontra iti COVID-19 kas iti panagsuot ti facemask ken face shield iti panagturong iti night market.
Irekrekomendarda metlaeng ti maysa a metro a distansia dagiti pwesto tapnu saan nga agi-innasideg dagiti kustomer nangruna ta posible latta a maiyakar ti coronavirus.
Dinakamatna pay a manipud naplano ti panakailukat ti turismo ti Baguio ken panakaituloy dagiti aktibidad a mangbiag iti ekonomiya ket impeksadan ti suportada.