Agpalpalagip manen ti Tuba Munisipal Police Station kadagiti amin a motorista para iti doble a panagridam dagitoy tapnu maliklikan ti pannakapasamak ti Vehicular Traffic Accident (VTA) sadiay
Kasaruno daytoy iti pannakailista ti nagsasaruno a kaso ti aksidente iti lokalidad a nangitunda iti ipupusay ken pannakadangran dagiti motorista
Iti interview ti Bombo Radyo Baguio ken Tuba MPS Chief Police Captain Jeremias Toyokan, kinunana a kadawyan a rason dagiti aksidente a mapaspasamak iti masakupanda ket iti mechanical deffect ken human error
Dinakamatna nga adda iti bassit a ngimatuan ti bilang dagiti aksidente iti munisipyo kasaruno paylaeng ti pannakapalukay dagiti restrictions a maysa a rason iti iruruwar dagiti lugan
Gapu iti dayta, naminsan manen nga inyunay unayna kadagiti motorista iti doble a panaginnayad iti panagbyahe, pananglagip iti BLOWBAGGETS ken panangikondisyon kadagiti lugan ken salun at sakbay nga agbyahe tapnu maliklikan dagiti aksidente nangruna ita a panawen iti panagtutudo.
