BAGUIO CITY| Agtultuloy ti panagturong dagiti turista sadiay munisipyo ti Atok Benguet tapno maimatangan dagiti nagduduma a tourist destination ken mapadasan ti nalam-ek nga klima ti lugar
Iti pannakiyuman ti Bombo Radyo, Kinuna ni Atok Mayor Franklin Smith, a sipud pay di bulan ti disyembre saan nga agsarsardeng ti panagturong dagiti bisita wenno turista iti lugar no sadino dakkel a tulong daytoy para kadagiti negosyante.
Kinunana, a karamanan kadagiti kangrunaan nga pagturturungan dagiti turista a pagsyaran tatta ket ti northern blossom, sakura park, highest point ken dadduma pay a small farms nga adda ti mula a sabong ken natnateng.
Innayon pay ni Mayor Smith, a bumawbawi ita ti munisipyo maipanggep ti turismo no idilig idi napalabas a tawen.
Mainaig iti dayta, agtultuloy ti panangpapintas kadagiti nadakamat a tourist destinations.
Impanamnamana, bayat ti panaka-develop ti tourist destinations agtaltalinaed latta ti peace and order ti lugar.
Kabayatanna, nadakamat pay ni Mayor Smith dagiti kasapulan nga mapasayaat para iti sektor ti turismo ti munisipyo karaman ditoy ti parking area, comfort rooms, panganan ken transient houses.
Malaksid iti dayta, karaman pay ti pannakapalawa dagiti kalsada tapno saan nga marigatan dagiti motorista nga agturong ti munisipyo.
Kabayatanna, dinakamat metlaeng ni Mayor Smith a adda dagiti baro a tourist destination a nakaplano a mailukat ita tawen.//RKBantiding
