BAGUIO CITY -Kidkiddawen ti lokal a konseho ti siudad iti opisina ni Mayor Benjamin Magalong babaen ti maysa a resolusyon ti panakailaylayon ti katulagan dagitoy iti City Permits and Licensing Division , dagiti newstand vendors, watch repair shops ken dadduma pay.
Daytoy ket kalpasan nga inyuman ti maysa aa maskenan nga umili iti lokal a konseho nga agpaso intun Hunyo 30 ti innem a bulan a katulagan dagitoy.
iti naisayangkat a public consultation nga inatendaran dagiti journalist, publishers ken general managers dagiti newspaper organizations pakairamanan dagiti vendors ken repairmen idi Disiembre 2020, nagdesisyon ti lokal a gobierno nga ipalubos ti stands dagitoy a masarakan iti central business district.
Napalubosan dagitoy nga agoperate manipod idi Enero aginnga ita a bulan kabayatan nga maur-uray ti plano para iti relokasyon dagitoy.
Nupay kasta, napagnumuan iti konsultasyon a mairelocate dagiti vendors ken repairmen kadagiti uneg wenno paset dagiti establishimento a nakasagana a mangipalubos kadagitoy wenno kadagiti espasyo a binigbig ken insakad ti lokal a gobierno kalpasan ti insayangkatda a survey.
Naipalagip a wagas daytoy iti panagtulnog ti siudad iti pammilin ti Dept Of the Interior and Local Government Unit seknan iti implementasyon ti panangikkatda kadagiti iligal nga istruktura iti paset dagiti parapubliko a kalsada pakairaman pay dagiti sidewalks ken alleys.
