BAGUIO CITY – Umap-apela dagiti empleyado ti siudad iti Civil Service Commission (CSC) ken Department of Labor and Employment (DOLE) a maipalubos ti excused leave of absence dagitoy iti kanito a makapasar dagitoy iti saan a nasayaat nga epekto ti COVID-19 vaccine.
Kasaruno daytoy ti report nga impresenta ti City Human Resource and Management Office (CHRMO) a saan a naiaplikar daytoy kadagiti empleyado a naglangan gapu iti epekto ti COVID-19 vaccine.
Sigun kenni Atty. Augustin Laban III, dadaulo ti CHRMO, supsuportaran ni Mayor Benjamin Magalong ti apela dagiti empleyado a maipaay ti excused absences ken saan a mairaman ti leave credits kadagitoy.
Immunan nga inwaragawag ti Department of Health-Cordillera a normal a makapasar ti maysa a tao iti epekto ti COVID-19 vaccine kalpasan a nabakunaan daytoy.
