Mamati ni Senator Joel Villanueva a mas convenient ken praktikal ti maisaksakad a P100 a panakaingato ti daily minimum wage kadagiti mangmangged a Pilipino kadagiti pampribado a sektor.
Daytoy ket kalpasan nga inaprobaran ti House of Representatives ti P200 a panakaingato ti daily minimum wage kadagiti mangmangged.
Kinuna ni Villanueva a ti nasao a banag ket mabalin a mangitunda iti narigat a sitwasyon kenni President Ferdinand “Bongbong” Marcos Jr. no sadino mabalin nga i-veto-na ti nasao a banag.
Innayon ni Villanueva a no naadal a nalaing ti P200 wage increase ken awan ti parikot nangruna no silulukat dagiti business community iti nasao a gakat.
Iti sabali a bangir, impeksa ni Senator JV Ejercito a saan a mailibak a ngumatngato dagiti gagatangen iti agdama wenno ti inflation.
Gapu iti dayta no kaya a maipaay ti P200 ket awan ti problema ngem inyunay-unay ni Ejercito a kasapulan ti panangkita a “balance” dagiti amin a banag ken ti rumbeng a panagsurvive dagiti nagduduma a kita ti negosyo.
Gapu iti dayta, naituding a mapasamak ti bicameral ti House of Representatives ken ti Senado no sadino kasapulan a mapagtalantananda ti nasao a banag agingga Hunyo a trese iti agdama a tawen, ti maudi a session ti 19th congress.
Inyunay-unay met ni Palace Press Officer Undersecretary Atty. Claire Castro a ti tarigagay ti presidente para kadagiti Pilipno a mangmangged ket ti pagsayaatan dagitoy.
