Indauloan ni President Ferdinand Marcos Jr. ti panakalagip ti 11th anniversary ti panagdalapos ti Super Typhoon Yolanda iti pagilian idi tawen 2013.
Sigun kenni Marcos Jr., daytoy nga aldaw ti panakalagip dagiti biyag a napukaw gapu iti Yolanda kasta met a mangipaay daytoy iti adal a nasken a papigsaen ti pagilian ti panagregget daytoy tapno makaadaptar iti climate change ken maliklikkan dagiti posible a dakkel nga epekto ti maysa a didigra.
Impeksa ti presidente a rumbeng ti panaka-empower dagiti komunidad ken dagiti local government units tapno dagus a maipaay dagiti relief ken tulong kadagiti agkasapulan.
Maipalagip nga iti panagdalapos ni bagyo a Yolanda ket agarup 7-K a katao ti pimmusay ken mapukpukaw gapu iti daytoy.
Malaksid iti dayta, naapektaran ti agarup 16 million a katao wenno agarup 3 million a pamilya iti pagilian.
