BAGUIO CITY – Kasapulan a maileppas ti rehabilitasyon dagiti fountains idiay Rose Garden, Burnham park sakbay ti Enchanting Baguio Christmas.
Daytoy ti kinuna ni Atty. Rhenan Diwas, mangidadaulo iti City Environment and Parks Management Office.
Sigun kenkuana, maaramat ti Rose Garden, Burnham park para iti Enchanting Baguio Christmas ita a tawen.
Kinunana a posible nga aggidan ti panakailukat ti Rose Garden fountains iti panakaiyusuat ti Enchanting Baguio Christmas inton umay a bulan.
Iti agdama, manarimaan ti pannakaisimpa ti dakkel a fountain iti Rose Garden, kasta met ti paattidog a fountain.
Sigun kenni Diwas, matartarimaan ti dakkel a fountain tapno saan nga aglayos ti aglawlawna bayat nga agbalin a fond ti paattidog a fountain nu sadino makabilan daytoy ti lames a ‘koi’.
Malaksid kadagiti fountains, manayonan metlaeng ti maimula a rosas iti nasao a garden.
Manamnama a tagiragsaken dagiti turista ken umili ti baro a langa dagiti fountains iti nasao a parke.
