BAGUIO CITY – Kidkiddawen manen ti Department of Health-Cordillera Administrative Region iti publiko nga agkawes iti rain boots iti tengnga iti agtultuloy a panagtudtudona ken panaglayos tapno maliklikan ti leptospirosis.
Sigun iti DOH-CAR, nakailista ti rehion iti 123 a kaso ken walo a kaso ti pimmusay manipod Enero 4 agingga Agosto 1 iti agdama a tawen.
Numan pay 13% daytoy a nababa nu idilig iti kapada nga aldaw idi tawen 2025, 39% dagiti kaso ket mannalon.
Impalagip iti ahensia a mabalin nga agtaud ti leptospirosis iti kontaminado a pitak ken danum, nangruna nu nagtaud iti isbu wenno rugit dagiti infected nga ayop.
Naballaagan metlaeng ti publiko a dagos nga agugas iti saka ken dadduma pay a paset iti bagi babaen iti panagaramat iti sabon ken nadalus a danum.
