Nagleppasen ti panangipila iti certificate of candidacy idiay Bangsamoro Autonomous Region in Muslim Mindanao idi laeng kalman.
Sigun kenni Commission on Elections (Comelec) Chairman George Garcia, awanen ti extension daytoy agsipud ta umdas ti innem nga aldaw a panang-akomodar iti nasao nga aktibidad.
Iti inisyal a listaan dagitoy, tallo a regional parliamentary political parties pakairamanan ti Moro Ako, Pro Bangsamoro ken BAPA ti nangipila iti Certificate of Acceptance and Nomination (CONA).
Pakairamanan daytoy ti listaan dagiti nominees, ken ti Manifestation of Intent to Participate iti Parliamentary Elections.
Iti sidong ti Bangsamoro Electoral Code, dua pulo ket lima a parliamentary district sea pakairamanan daytoy dagiti walo a seat idiay Lanao del Sur, uppat idiay Maguindanao del Norte, ken uppat idiay Maguindanao del Sur.
Karaman daytoy dagiti tallo idiay Basilan, tallo idiay Tawi-tawi, dua idiay Cotabato City ken ti maysa iti Special Geographic Area (SGA) idiay Cotabato province.
Malaksid iti dayta, adda metlaeng dagiti uppat a pulo a posisyon iti regional parliamentary political parties.
