Saan nga ikonkonsidera ti House prosecution panel ti panangisanod kadagiti articles of impeachment kontra kenni Vice President Sara Duterte wenno awaten dagitoy nu bilang ta isubli ti Senado iti House of Representatives.
Daytoy ti impasigurado ni San Juan Rep Ysabel Maria Zamora idi kalman.
Sigun ti nasao nga opisial, dagiti nadakamat a pagpilian kasta metten iti panangdismisar iti impeachment complaint a saan a maipasidong iti “trial” ket saan a nainkalintegan.
Imbinglay ni Zamora a nakapokus ti House prosecution panel iti panagsagana para iti impeachment trial.
Kinuna pay ni Zamora a nadutukan ni Batangas Rep. Gerville Luistro a mangibasa kadagiti articles of impeachment iti Senado inton Hunio a onse.
Amin a sangapulo ket maysa a House prosecutors ket manamnmana a makipaset iti panangibasa kadagiti articles of impeachment.
