BAGUIO CITY – Impalubusen ti lokal a gobierno ti Baguio City ti panagsarungkar dagiti publiko iti tanem dagiti kapamilyada kadagiti para publiko ken pribado nga sementeryo nangrugi ita nga aldaw kaggidan iti umadanin a panakalagip manen iti All Souls’ ken All Saints’ Day wennu Undas inton Nobyembre.
Nupay kasta naiyunay-unay ti panagtungpalda kadagiti
minimum health protocols seknan iti COVID-19 kas iti panagaramat iti face mask, faceshield ken panangmintinir ti social distancing iti panagturong da kadagiti sementeryo.
Sigun iti lokal a gobierno, babaen iti daytoy ket maliklikan iti adu unay a bilang ti tattao nga agturong kadagiti sementeryo iti mismo nga aldaw ti Undas.
Immuna metten a kinuna ni Mayor Benjamin Magalong a mailukat latta kadagiti umili ti siudad dagiti amin a sementeryo la ketdi nainget nga masurot dagiti amin nga pagalagadan para iti seguridad iti salun-at dagiti publiko kontra iti COVID-19.
