BAGUIO CITY- Posible a maamuan intun Enero 2026 ti panggeddeng ti Baguio City Council no maaoprobaran wenno saan ti naisingasing a Baguio City Public Market Redevelopment Project.
Iti interview ti Bombo Radyo kenni Vice Mayor Vice Mayor Faustino Olowan, kinunana a naipaayan ti City Government iti 120 nga aldaw tapno adalen ti nasao a singasing.
Impeksa ti nasao a Bise Mayor a maangay ti public consultation seknan iti redevelopment ti Baguio City Market, tapno maala ti singasing dagiti maseknan.
Impanamnama met daytoy a mailawlawag a nasayaat kadakuadda ti nasao a singasing sakbay a maangay ti panagbotos dagitoy.
Iti kanito nga umanamong ti amin a maisayangkat ti Baguio City Public Market Redevelopment Project, mailukat ti Swiss challenge wenno bidding.
Kabayatanna, impeksa ni Vice Mayor Olowan a normal dagiti nagduduma a komento iti kanito a rumwar ti disision.
Nupay kasta, impettengna a kas public officer akseptaren dagiti karit la kitdi nalinis ti panagpuspuso.//mp4
